الدنيا فيها أيه النهاردة
الأحد، 30 مارس 2008
الجمعة، 28 مارس 2008
مجزرة المحليات في مصر وأعضاء العجوة
بعدما تابعت ما حدث في
التسجيل لانتخابات المحليات خرجت بنتيجة واحدة وهي ان الحزب الوطني وأعضاءه
وقياداته ناس بتعشق
التجربة ووتموت في
الاقتداء بالدول المتقدمة وتذكرت ما حدث مؤخرا في انتخابات الرئاسة بغيران فرغم
نزاهة الانتخابات يوم التصويت الا أن العديد من مراقبي الانتخابات في العالم أجمع
علي ان هذه الانتخابات مزورة لانه لم يتقدم للانتخابات الا بعض الديكورات زي عندنا
في مصر تماما ومرشح واحدبس هو اللي كان عليه العين وباقي المرشحين تم منعهم
من التقديم وفي العديد من الدول الديموقراطية زي بلدنا يبدأ الحكام في البحث عن
وسائل جديدة للتزوير لم يعهدها الناس وتوصلنا في مصر الي أن منع المرشحين هي
الوسيلة الاقوي والاهم حتي عشان نظهر امام العالم يوم الانتخابات ان التصويت يتم في
حياد مع ان في النهاية لن يذهب احد للتصويت وما حدث للعديد من المرشحين من قبل رجال
الامن في المحافظات لم يكن الا مجزرة أشرفت عليها وأدارت زمامها الدولة وحزبها
المدلل هي دي الديموقراطية . المهم فكرني أعضاء المحليات القدام والذين عتقوا في
اماكنهم بالالهة العجوة التي كان يصنعها العرب قبل الاسلام فالوواحد كان يفضل يدلع ربه
ويعبده وفي الاخر يجوع وربه ما يقدرش يسد له جوعه فيأكله .... فعواجيز الحزب وكبار رجاله
فشلوا في الوقوف بجوار الحزب للنهاية ولم يعد هؤلاء يناسبوا الجيل الجديد المهم اتاكلوا وإتاكلوا
الأربعاء، 5 مارس 2008
البنات أحير الكائنات
كلما جلست مع نفسي (علي أساس انها واحد صديقي يعني ) وتذكرت مواقف معينة مع البنات أصحابي أشعر بحيرة في أمر البنات دول وبصراحة ياجماعة أنا شخص كنت لا أجيد التعامل مع الجنس الاخر جيدا وبحاول أكون حد ظريف ويتعامل مع الناس كويس وزمان كنت حد تافه أقوي يعني لو بنت كلمتني وخطفتني رمش ع الماشي مكنتش بنام الليل وطول الليل أفتكر مواقف ستو هانم معايا وأنا عنتر زمان وسع ياجداااااااع بعد كده بقي أمر طبيعي بالنسبة لي أني أتعامل مع البنات بس أحيانا بحس أن فيهم اللي بيحاول يفكرني بتفاهتي بتاع زمان وطبعا أنا بعمل نفسي مش واخد بالي (مش تقل علي فكرة ) بس لاني مبقتش أفكر فيهم غير أنهم أصحابي لكن لما بحس أن فيه بنت بتحاول تقرب مني فجأة أبقي عادي معاها وطبيعي وما أزود الموضوع (احنا أصحاب بس ) فيكون رد الفعل أني بعد فترة اشوفها ماشي مع حد واللي غايزني أني فعلا بحس بغيرة ممكن اعرف دا من أيه ؟ مش عارف أيه اللي خلاني أكتب الكلام دا المرة دي علي العموم يهمني أسمع حكم
الأحد، 2 مارس 2008
مركز جديد للدفاع عن المدونين
الي كل المدونين المنايفة والاسكتدرانية والبحاروة نتمني أن تطلعوا علي البروجور الخاص بمركز الرسالة لحرية الاعلام المحلي وبالمناسبة المركز شركة مدنية وجهة حقوقية تعمل من أجل إيجاد مجتمع محلي واعي ومتفهم لدور الاعلام ومنها المدونات المركز موجود في شبين الكوم ويضم مجموعة من المهتمين بالاعلام المحلي ويشرفني أن أكون أحد هؤلاء في إنتظار تعليقاتكم ومشاركتكم لنا علما بأن أهم مجالات عمل المركز الاهتمام بالمدونين والدفاع عن حقوقهم
الاشتراك في:
الرسائل (Atom)